बिनतुची अदभूत विद्यानगरी

शालेय अभ्यासक्रमात विज्ञान आवश्यक विषय असला, तरी विज्ञान म्हणजे नक्की काय असते, हे फार कमी लोकांना माहीत असावे. विशेषकरून बाल व तरुण वाचकांना समोर ठेवून हे पुस्तक लिहिले असले, तरी सर्वसाधारण वाचकांनादेखील अत्यंत उपयुक्त आहे. या पुस्तकात विज्ञान म्हणजे नेमके काय आहे, वैज्ञानिक पद्धत व विज्ञानातील वेगवेगळे पैलू समजून सांगितले आहेत. उदाहरणार्थ विज्ञान पद्धती काय असते, निरीक्षण म्हणजे काय, प्रयोगांचे महत्त्व इत्यादी टप्पे स्पष्ट करून सांगितले आहेत. ही माहिती कथारूपात सांगताना वेगवेगळे काल्पनिक प्रसंग, सोपी व मजेशीर उदाहरणे देऊन विज्ञान समजावून सांगितले आहे. त्यासाठी अद्भुत कॅरेक्टर निर्माण करून त्यांच्या मार्फत माहिती दिली आहे. त्यामुळे पुस्तक मनोरंजक व आकर्षक झाले आहे