अवघड दुखण्यांची प्रकरणं

रामचंद्र पठारे यांचा हा दुसरा कथासंग्रह. शब्दांच्या वापरातील अचूकता, चित्रात्मकता, आशयानुरुप वेगवेगळी रुपे धारण करणारी व वेग बदलणारी अतिशय दणकट शैली हे त्यांच्या कथांचे विशेष म्हणता येतील. आपल्या जगण्याला गुदमरवून टाकणारे अनेक प्रश्न या कथांना आशयद्रव्य पुरवतात. म्हणूनच या कथा आपल्याला त्यांच्या जगात खेचून नेतात. त्यांच्यातून आपल्याला सहजी बाहेर पडता येत नाही. त्या तसे होऊ देत नाहीत. राजकारणी पुढारी, बेगवेगळ्या प्रकारचे दलाल, सरकारी नोकर, अभियंते, बायरमन, शेतकरी हे जसे या कथात येतात तसेच कविता, साहित्याचे बिश्व हेही त्यांच्या आस्थेचे विषय होतात. झपाटून टाकणारी निवेदनशैली, आशयावरील मजबूत पकड यामुळे या कथा अतिशय जोरकस उतरलेल्या आहेत. यातील 'नाळ' 'इस्क्रू' यासारख्या कथा एकूण मराठी साहित्यातही महत्त्वाची जागा घेतील अशा दर्जाच्या आहेत