आणि... त्या दिवशी माझा मृत्यू झाला

हॉंगकॉंगमध्ये राहणाऱ्या अनिता या सिंधी सुखवस्तू कुटुंबातील. कॉर्पोरेट जगतात त्या काम करीत असताना डॅनी मुरजानी यांच्याशी त्या विवाहबद्ध झाल्या. डॅनीबरोबर आनंदी, सुखी आयुष्य जगत असताना २००२ मध्ये अनिता यांना कर्करोगाचे निदान झाले. सुरुवातीला मध्यम स्वरूपाच्या कर्करोगाने कालांतराने भयावह रूप धारण केले. अनिता यांच्या संपूर्ण शरीरावर त्याने ताबा मिळवला. त्या कोमात गेल्यानंतर डॉक्टरांनी त्यांच्या जगण्याची आशा सोडली होती. पण आश्चर्याची गोष्ट म्हणजे ३० तासांच्या कोमातून त्या जाग्या झाल्या. या काळात शरीराचा ताबा सोडून भौतिक जगापलीकडील जगात त्या पोचल्या. तेथे त्यांना स्वतःची वेगळी ओळख झाली. हा मृत्युच्या समीप असणारा अनुभव (एनडीई - नीअर डेथ एस्कपिरियन्स ) त्यांनी 'आणि... त्या दिवशी माझा मृत्यू झाला 'मधून सांगितला आहे. त्यांना पुन्हा मिळालेल्या आयुष्यात त्यांचा दृष्टीकोन बदलला. भीतीपासून त्या दूर गेल्या. सकारात्मक भूमिकेतून प्रत्येक गोष्ट पाहायची वृत्ती तयार झाली. या सर्व गोष्टींसंदर्भात त्यांनी यात खुलेपणाने सांगितले आहे. याचा मराठी अनुवाद नीता कुलकर्णी यांनी केला आहे