बावनकशी

“बावनकशी” हा श्री. महेंद्र कोंडे यांचा पहिला कवितासंग्रह. अस्सल मराठी भाषेचा पीळ त्यांच्या कवितेला आहे. प्रीतीच्या विविध छटा त्यांनी आपल्या कवितांतून व्यक्त केल्या आहेत. कवितेची अनुभूती कुठल्याही एका साच्यात बंदिस्त होऊ नये म्हणून त्यांनी घेतलेली काळजी कौतुकास्पद आहे. जीवनाच्या विविधतेला स्पर्श करणारी श्री. महेंद्र कोंडे यांची कविता रसिकांना आवडेल असा मला विश्वास वाटतो. शब्दांचे हे सोने बावनकशी आहे